ასოციაციის სახელწოდება:

• სრულად ქართულად: საქართველოს ანდროიდის მომხმარებელთა ასოციაცია
• სრულად ინგლისურად: Georgian Android Users Association
• მოკლედ ქართულად: ანდროიდ საქართველო
• მოკლედ ინგლისურად: Android Georgia
• აბრევიატურა ქართულად: სამა
• აბრევიატურა ინგლისურად: GAUA

ასოციაციის სამართლებრივი ფორმა: არასამეწარმეო (არაკომერციულ) იურიდიულ პირი.

ასოციაციის მისია არის:
საქართველოს მოსახლეობის ინფორმირება თანამდეროვე ინფორმაციული ტექნოლოგიების და მათ შორის ანდროიდის შესახებ. პროგრესული განათლების და გამოცდილების მქონე საზოგადობის წევრების კონსოლიდირება და ორგანიზებული აქტიურობის უზრუნველყოფა.

ასოციაციის საქმიანობის ფუნდამენტალური პრინციპებია: დემოკრატია, თავისუფლება, გახსნილობა, სოლიდარობა და განათლება.

1. დემოკრატია - გულისხმობს, რომ ჩვენ გადაწყვეტილებებს ვიღებთ არა ერთპიროვნულად, არამედ ჯგუფურად და ასოციაციაში საყოველთაო განხილვის საფუძველზე, რისთვისაც უმეტესად გამოკითხვებს ვაწყობთ და ხმათა უმრავლესობით ვიღებთ გადაწყვეტილებას.
2. თავისუფლება - გულისხმობს, რომ როგორც ასოციაცია, ისე მისი წევრები თავისუფალი არიან გამოთქვან თავისი აზრი ნებისმიერ საკითხზე, ეს არის პირის კონსტიტუციური და საეთაშორისო სამართლის უფლება.
3. სოლიდარობა - გულისხმობს, რომ ჩვენს ასოციაციაში ერთმანეთს ვეხმარებით, მხარში ვუდგავართ, გვაკავშირებს საერთო ინტერესები და მისწრაფებები.
4. გახსნილობა - გულისხმობს, რომ ჩვენს ასოციაციაში საკითხს განვიხილავთ ღიად და სრული ინფორმაციის მიწოდებით ყველასთვის. ჩვენთან ასოციაციის წევრებისთვის დაფარული და განსაიდუმლებული საკითხები არ არსებობს.
5. განათლება - გულისხმობს, რომ ანდროიდის საზოგადოების წევრები გამოირჩევიან მაღალი ინტელექტით, განათლების დონით და წყურვილით, თანამედროვე ტექნოლოგიების გაცნობის ინტერესით.

ასოციაციის საქმიანობის მიზნები:

1. ანდროიდის და ახალი ინფორმაციული ტექნოლოგიების განვითარების ხელშეწყობა და შესაბამისი ღონისძიებების ორგანიზება;
2. ანდროიდის და ახალი ინფორმაციული ტექნოლოგიების პოპულარიზაცია და დანერგვის ხელშეწყობა;
3. ანდროიდის და ახალი ინფორმაციული ტექნოლოგიების სწავლების, წვრთნის და განათლების ორგანიზება;
4. უცხოეთი ანალოგიურ ორგანიზაციებთან კონტაქტების დამყარება, თანამშრომლობა, ინფორმაციის გაცვლა, გამოცდილების გაზიარება;
5. ყველა ის საქმიანობა, რომელიც არ არის აკრძალული საქართველოს კანონმდებლობით.